《明朝尚方寶劍》
元宵節葉劉又跳出嚟，仲專登著曬旗袍，擺明挑機司長！
不過佢啲道具就認真失敗，今年係辛丑牛年，佢竟然攞住一把庚子鼠年嘅扇（小圖），就好似星爺電影裏面，夏萍拎住明朝皇帝嘅尚方寶劍斬清朝嘅官……
唔通佢攞一幅舊相出嚟充撐場面？
須知道書法家嘅字畫寫上年份好多時都有特別含意，尤其新春賀年送贈……
當然，法律上冇話唔得，你用庚子年嘅嘢慶祝辛丑年，等於今年牛年派利是，你用番舊年老鼠圖案嘅利是封，只係暴露咗自己唔識嘢九唔搭八。
（後記：新年流流我都費事估，扇上面嘅角色造型，唔知係楊貴妃定虞妃，兩個都……）